ՆԱԽԱԳԻԾ

 Հայաստանի Հանրապետության Շիրակի մարզի Արթիկ համայնքի ղեկավար Մխիթար Վարագյանս, ուսումնասիրելով  Սանասար Ղազարյանի (անձնագիր` AM 0603578,  տրված 18.01.2012թ., 028-ի կողմից, հասցե՝ Հայաստանի Հանրապետություն Շիրակի մարզ, քաղաք Արթիկ  Կոմիտաս փողոց, տ 1/1) նկատմամբ հարուցված վարչական վարույթի նյութերը

Պարզեցի

Սանասար Ղազարյանի կողմից իրեն սեփականության իրավունքով պատկանող Հայաստանի Հանրապետության Շիրակի մարզի Արթիկ համայնքի Բաղրամյան 27/3-29/1 հասցեում  գտնվող հողամասում  բազմաֆունկցիոնալ կենտրոն կառուցելու համար վերջինիս տրվել է շինարարության թույլտվություն: Սակայն շինության կառուցումը կատարվել շինարարության թույլտվությամբ սահմանված պահանջների խախտումներով: Հայաստանի Հանրապետության քաղաքացիական օրենսգրքի 188-րդ հոդվածի 1-ին մասի համաձայն շինարարության թույլտվության էական խախտումներով կառուցված շենք, շինությունը կամ այլ կառույցը համարվում է ինքնակամ:

Ելնելով  վերոգրյալից և հաշվի առնելով, որ ինքնակամ շենք, շինություն կառուցելու համար պատասխանատվություն է նախատեսված Հայաստանի Հանրապետության  Վարչական իրավախախտումների վերաբերյալ օրենսգրքի 154-րդ հոդվածի 1-ին մասով, ինչպես նաև ղեկավարվելով  ‹‹Տեղական ինքնակառավարման մասին›› Հայաստանի Հանրապետության օրենքի 35-րդ հոդվածի 1-ին մասի 24-րդ կետով, ‹‹Վարչարարության հիմունքների և վարչական վարույթի մասին›› Հայաստանի Հանրապետության օրենքի 7-րդ գլխի դրույթներով

Որոշում եմ՝

1.     Սանասար Ղազարյանին Վարչական իրավախախտումների վերաբերյալ ՀՀ օրենսգրքի 154 հոդվածի 1-ին մասի  համաձայն ենթարկել վարչական պատասխանատվության: Նշանակել տուգանք 200.000 (երկու հարյուր հազար)  դրամի չափով:

2.     Սույն որոշման մասին 3օրյա ժամկետում ճենքով սահմանված կարգով իրազեկել Սանասար Ղազարյանին:

3.    Տուգանքը վճարել սույն որոշումն ստանալուց հետո 15օրյա ժամկետում 900205101216 հաշվեհամարին:

4.     Սույն որոշումն ուժի մեջ է մտնում «Վարչարարության հիմունքների և վարչական վարույթի մասին» Հայաստանի Հանրապետության օրենքի 59-րդ հոդվածով սահմանված կարգով իրազեկելուն հաջորդող օրվանից:

5.     Սույն որոշումը կարող է բողոքարկվել «Վարչարարության հիմունքների և վարչական վարույթի մասին» Հայաստանի Հանրապետության օրենքի 70, 71 –րդ հոդվածներով սահմանված կարգով, ուժի մեջ մտնելու օրվանից 2ամսյա ժամկետում:

6.    Սույն որոշումն օրենքով սահմանված ժամկետում անբողոքարկելի դառնալուց հետո ուղարկել կատարման Հայաստանի Հանրապետության Արդարադատության նախարարության դատական ակտերի հարկադիր կատարման  ծառայություն: