Այսօր: Երեքշաբթի, 19 Մարտի 2024թ.
Արթիկի համայնքապետարանի պաշտոնական կայք
Հյուրերի քանակը՝ 102
ՀՀ ՇԻՐԱԿԻ ՄԱՐԶԻ ԱՐԹԻԿ ՀԱՄԱՅՆՔ
ԶԼՄ-ները մեր մասին
 
13/08/2019
Վալերիայի և Կիրկորովի կոշիկների դիզայնից մինչև դագաղագործ. ինչ է պակասում Արթուրի կյանքում

Արթիկցի Արթուր Գալստյանի մայրն ասում է` տղայի մատն ինչին կպնում է, ծաղկում է։ Արթուրենց տանն ամբողջովին նրա ձեռքի աշխատանքներն են` կահույքը, պատի յուրօրինակ ժամացույցը, նկարները, քանդակները, արդեն նաև` դանակները։

ԵՐԵՎԱՆ, 11 օգոստոսի — Sputnik, Կարինե Հարությունյան. Արթիկցի քանդակագործ, նկարիչ Արթուր Գալստյանը ռուսական էստրադայի ներկայացուցիչներ Վալերիայի ու Ֆիլիպ Կիրկորովի կոշիկների դիզայնի հեղինակն է։ Տարիների ընթացքում նա նաև դագաղագործությամբ է զբաղվել և կահույքի արտադրամասում աշխատել։

Коллекция пластилиновых туфель художника Артура Галстяна
© SPUTNIK / ANDRANIK GHAZARYAN
Արթուր Գալստյանի պլաստիլինից պատրաստած կոշիկների հավաքածուն

Արթուրենց տունն ամբողջովին կահավորված է նրա ձեռքի աշխատանքներով` կահույքը, պատի ինքնատիպ ժամացույցը, նկարները, քանդակները, արդեն նաև` դանակները։ Տաղանդավոր երիտասարդի մայրը հերթով ցույց է տալիս որդու պատրաստածներն ու ասում` տղայիս մատն ինչին կպնում է, ծաղկում է։ «Լավ, էլի, մամ»,– Արթուրը հանդիմանում է մորը։

Մասնագիտություն ընտրելիս Արթուրը հետաքրքիր իրավիճակներում է հայտնվել։ Դեռևս դպրոցական տարիներին նա որոշել է կիթառ նվագել սովորել, սակայն այնպես է ստացվել, որ կիթառի մասնագետն ազատվել է աշխատանքից։ Ջութակը կիթառին նմանեցնելով` Արթուրն սկսել է ջութակի դասընթացների հաճախել։ Սակայն ծնողները նկատել են, որ Արթուրը պարապմունքների ժամանակ նվագելու փոխարեն ավելի շատ նկարչությամբ է զբաղվում, ու նրան տարել նկարչության դասընթացների։

Տիրան Հովհաննիսյան
 

Նկարչության դասընթացներից մեկի ժամանակ Արթուրը մի կոշիկ է տեսել, որը շատ է իրեն դուր եկել։ Նա  տանը փորձել է ծնողներին նկարագրել, թե ինչ տեսք ուներ այն, և երկար ջանքերից հետո վերցրել է պլաստիլինն ու պատրաստել իրեն այդքան դուր եկած կոշիկը։

«Կոշիկը շատ բնական էր ստացվել, մերոնք ապշած էին։ Դա սկիզբ դրեց իմ հոբբիին` պլաստիլինից կոշիկներ սարքելուն։ Ժամանակին ավելի քան 600 նման «կոշիկ» ունեի, սակայն տուն եկած հյուրերը վերցնում էին «կոշիկներն» ու իրենց հետ տանում. հիմա 100-150 օրինակ է մնացել»,–ասաց նա։

Коллекция пластилиновых туфель художника Артура Галстяна
 
Արթուր Գալստյանի պլաստիլինից պատրաստած կոշիկների հավաքածուն

Դպրոցն ավարտելուց հետո Արթուրը կերպարվեստ և գծագրություն է սովորել Մանկավարժական համալսարանում, հետո մեկնել ծառայության։ Զորացրվելուց հետո աշխատել է որպես դագաղագործ. հիշում է` «ճոխ» թաղում անողները դագաղի կափարիչը փորագրել էին տալիս, ու հենց այստեղ էլ Արթուրին օգնության էր գալիս իր մասնագիտությունը։

Կարճ ժամանակ անց տղային հաջողվել է որպես դիզայներ աշխատանք գտնել հայտնի կոշիկի գործարաններից մեկում, որը կոշիկներ էր կարում բացառապես ռուս աստղերի համար։

«Մեզ չեն ասել, թե կոնկրետ ովքեր են կրում այդ կոշիկները, և մի անգամ, գործարանը փակվելուց տարիներ անց, ամսագրերից մեկում պատահաբար Վալերիայի ու Կիրկորովի հագին տեսա իմ հեղինակած դիզայնով կոշիկները»,-նշում է Արթուրը։

 

 

Այնուհետև, որպեսզի անգործ չմնա, Արթուրը մեկնել է Ռուսաստան և դիմանկարներ նկարել ու դրանք վաճառել։ Ասում է` Ռուսաստանում վատ չէր վաստակում, սակայն ուզում է հայրենիքում ապրել ու աշխատել, ինչի համար էլ վերադարձել է ու փորձում է աշխատանք գտնել։

Արթուրն այժմ զբաղվում է ինչով ասես. դիմանկարների պատվերներ է վերցնում, դանակներ պատրաստում` ինչպես հուշանվերային, այնպես էլ կենցաղային, նաև զենքերի ձևափոխմամբ զբաղվում, դրանց վրա փորագրում։

Художник Артур Галстян демонстрирует деревянную статуэтку девушки
 
Արթուր Գալստյանի պատրաստած փայտե արձանիկը

«Ցավալին այն է, որ փորագրությամբ ու նկարչությամբ Հայաստանում ընտանիք պահել չես կարող։ Ու հիմա փորձում եմ դանակների գործով զբաղվել։ Կուզեի մեկն աջակցեր, որ այդ գործը զարգացնեմ, քանի որ չեմ ուզում երկրից գնամ։ Արդեն չգիտեմ` ինչով զբաղվեմ, որ մասնագիտությունիցս հեռու չլինի, սիրով անեմ ու դրանով կարողանամ ընտանիք պահեմ»,–ասում է նա։

Լոնդոնի բոհեմական հայուհին. ընտրյալներից մեկը, որին «սովետը» թույլ էր տալիս գալ ու աշխատել

Արթուրը նշում է, որ ամեն ինչ ունի երջանիկ լինելու համար` լավ ընտանիք, լավ մասնագիտություն, «ձեռքի հնար», մնում է` աշխատանք գտնի, որ աշխատի ու ապրի Հայաստանում։

  • Արթուր Գալստյանի պատրաստած ժամացույցը
  • Արթուր Գալստյանի պատրաստած կահույքը
  • Արթուր Գալստյանի պատրաստած դանակները
  • Արթուր Գալստյանի նկարները
  • Արթուրր Գալստյանի դիմանկարը
  • Արթուր Գալստյանի աղջկա դիմանկարը
  • Արթուր Գալստյանի պատրաստած փայտե արձանիկները
  • Արթուր Գալստյանի պատրաստած փայտե արձանիկ
  • Արթուր Գալստյանի պատրաստած փայտե արձանիկ
  • Արթուր Գալստյան
 Արթուր Գալստյանի պատրաստած ժամացույցը

Sputnik Armenia
https://m.armeniasputnik.am/society/20190811/20027915/Dagaghagorcic-minchev-Valeriayi-u-Kirkorovi-koshikneri-dizayn-Arturn-ajakcutyan-kariq-uni.html?fbclid=IwAR3Uow5hDCX36OcylGCm6VPOtE5NlVGJQPMWz40EiDI6dBpOCfhlIjDxN24

ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
Ազատության հր. 1
(0244)5 20-21
artikmun@mail.ru
Պաշտոնական էլ. փոստ` 53002393@e-citizen.am
(միայն www.e-citizen.am համակարգով ծանուցումների համար)



© 2008 - 2024 Հեղինակային իրավունքները պաշտպանված են
ԱՐԹԻԿԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 2081
ԲԿԳ Մրցանակ 2015 - OGP Award 2015
2015 Regional Winner