Հարգելի՛ բնակիչներ,
Հիմք ընդունելով Արթիկ համայնքի ավագանու 20 փետրվարի 2024 թվականի N 41-Ն որոշումը՝ ձևավորվում է համայնքի ղեկավարին կից կանանց և երիտասարդների խորհրդակցական մարմին /ԿԵԽՄ/:
ԿԵԽՄ-ը համայնքի ղեկավարին կից, հասարակական կարգով գործող մարմին է, որի միջոցով ապահովվում է համայնքի բնակիչների կին ներկայացուցիչների և երիտասարդների մասնակցությունը համայնքի տեղական ինքնակառավարմանը և համայնքային խնդիրների լուծմանը։ ԿԵԽՄ-ը, որպես քաղաքացիական հասարակության միավորված խումբ՝ համայնքային նշանակության հանրային հարցերի շուրջ կարող է խորհրդատվություն, եզրակացություններ և առաջարկություններ ներկայացնել համայնքի ղեկավարին՝ այդպիսով ակտիվ մասնակցություն ունենալով համայնքում տեղական ինքնակառավարմանը վերաբերող քաղաքականությունների մշակման, որոշումների ընդունման և դրանց իրականացման արդյունքների մոնիթորինգի և գնահատման գործընթացներին:
ԿԵԽՄ-ի խնդիրներն են.
1) մասնակցել համայնքի տեղական ինքնակառավարմանը և համայնքի գործերի կառավարմանը․
2) տրամադրել խորհրդատվություն համայնքի ղեկավարին՝ համայնքի խնդիրների լուծման, համայնքի զարգացման ուղղությունների սահմանման, համայնքի կանանց և երիտասարդությանը վերաբերող ծրագրերի իրագործման և այլնի վերաբերյալ․
3) ապահովել տեղական ինքնակառավարմանը համայնքի բնակիչների, քաղաքացիական հասարակության մասնակցությունն ու նրանց ձայնի հասանելիությունը համայնքի ՏԻՄ-երին.
4) հանրային վերահսկողություն իրականացնել համայնքի ՏԻՄ-երի գործունեության նկատմամբ:
Սիրելի՛ կանայք և երիտասարդներ,
Եթե ցանկանում եք մասնակցել համայնքի զարգացման գործընթացին,
եթե ցանկանում եք անդամակցել նոր ձևավորվող խորհրդակցական մարմնին, ապա կարող եք դիմել Արթիկի համայնքապետարան(հեռ՝ 0244 5 20 21):
Դիմել կարող եք փետրվարի 23-ից մինչ մարտի 15-ը՝ ժամը 9:00-ից մինչ 18:00:
Դիմումները կքննվեն հանձնաժողովի կողմից:
Սիրով սպասում ենք Ձեզ:
Մանրամասները՝ կից փաստաթղթում:
Համայնքի ղեկավարին կից ԿԵԽՄ ձևաչափն իրականացվում է ՄԱԿ-ի Զարգացման ծրագրի՝ Միացյալ Թագավորության Լավ կառավարման հիմնադրամի ֆինանսավորմամբ իրականացվող «Կանայք քաղաքականության, հանրային կառավարման և քաղաքացիական հասարակության մեջ» ծրագրի շրջանակում։ Ծրագիրն իրականացվում է ՀՀ տարածքային կառավարման և ենթակառուցվածքների նախարարության և ՕքսԵՋեն հիմնադրամի հետ համագործակցությամբ։