Համայնքի ղեկավարին է դիմել քաղաքացի Արթուր Ժորայի Ափոյանը սեփականության իրավունքով իրեն պատկանող հողամասի ճշտված սահմաններով գլխավոր հատակագիծը հաստատելու խնդրանով: Հայաստանի Հանրապետության Շիրակի մարզի Արթիկ համայնքի Արթիկ քաղաքի Մռավյան փողոց 9 հասցեում գտնվող՝ 08-002-0059- կադաստրային ծածկագրով անշարժ գույքի տեղազննման՝ փաստացի չափագրման և փաստաթղթերի ուսումնասիրման արդյունքում պարզվել է, որ հողամասի փաստացի մակերեսը կազմում է 0,05689հա /վկայականում ամրագրված 0,050հա մակերեսի փոխարեն/: Կան հողամասի մակերեսի գծային չափերի, երկրաչափական տեսքի և անշարժ գույքի տեղակայման անհամապատասխանություններ գործող էլեկտրոնային քարտեզի և անշարժ գույքի նկատմամբ իրավունքի պետական գրանցման վկայականի /N 1844618 տրված 2003 թվականի հոկտեմբերի 9-ի/ միջև: <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 22-րդ և 24-րդ կետերով, Հայաստանի Հանրապետության կառավարության 2005 թվականի դեկտեմբերի 29-ի թիվ 2387-Ն որոշմամբ սահմանված անշարժ գույքի՝ ըստ դրա գտնվելու վայրի հասցեավորման, ինչպես նաև անշարժ գույքի հասցեների ռեստրի ստեղծման և վարման կարգի 28-րդ, 29-րդ կետի 4-րդ ենթակետով, Հայաստանի Հանրապետության հողային օրենսգրքի 43-րդ հոդվածի 1-ին մասի 3-րդ կետով, հիմք ընդունելով անշարժ գույքի սեփականության իրավունքի գրանցման / 1844618 տրված 2003 թվականի հոկտեմբերի 9-ի/ վկայականը
1.Հաստատել Հայաստանի Հանրապետության Շիրակի Մարզի Արթիկ համայնքի Արթիկ քաղաքի Մռավյան փողոց 9 հասցեում գտնվող՝ Արթուր Ժորայի Ափոյանի սեփականության իրավունքով պատկանող, 08-002-0059- կադաստրային ծածկագրով (բնակելի տան, ավտոտնակի և պարիսպների զբաղեցրած) հողամասի գլխավոր հատակագիծը համաձայն համապատասխան որակավորման վկայական ունեցող անձի կողմից կից ներկայացված և սահմանված կարգով հաստատված հողամասի ուղղման հատակագծի: 2.Որոշումից ծագող իրավունքը ենթակա է իրավունքի պետական գրանցման: 3.Սույն որոշումն ուժի մեջ է մտնում Արթուր Ժարայի Ափոյանին օրենքով սահմանված կարգով իրազեկելու հաջորդող օրվանից: