Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ ենթակետով, Հայաստանի Հանրապետության հողային օրենսգրքի 89-րդ հոդվածի 1-ին և 3-րդ կետերով և Հայաստանի Հանրապետության քաղաքացիական օրենսգրքի 605-րդ հոդվածով, հիմք ընդունելով համայնքի ղեկավարի առաջարկությունը և Հայաստանի Հանրապետության քաղաքաշինության կոմիտեի նախագահի 2025 թվականի ապրիլի 15-ի թիվ N 01/27.1/5979-2025 գրությունը, Հայաստանի Հանրապետության Շիրակի մարզի Արթիկ համայնքի ավագանին

ՈՐՈՇՈՒՄ Է`

1.Հայաստանի Հանրապետության Շիրակի մարզի Արթիկ համայնքի սեփականություն հանդիսացող, 2021 թվականի դեկտեմբերի 27-ի անշարժ գույքի նկատմամբ իրավունքների պետական գրանցման N 27122021-08-0040 վկայականով փաստագրված, բնակավայրերի նպատակային նշանակության, հասարակական կառուցապատման գործառնական նշանակության, Գ․Աղաքարյանփողոց 1-իննրբանցք 1/10 հողամասհասցեումգտնվող, 0,84504համակերեսովհողատարածքը (կադաստրայինծածկագիր՝ 08-002-0108-0047) նվիրաբերել Հայաստանի Հանրապետությանը՝ Շիրակի մարզի Արթիկ համայնքի Արթիկ քաղաքում 144 տեղ հզորությամբ մսուր-մանկապարտեզ կառուցելու նպատակով:

 2.Սույն որոշումն ուժի մեջ է մտնում օրենքով սահմանված կարգով իրազեկման օրվան հաջորդող օրվանից: