Հայաստանի Հանրապետության Շիրակի մարզի Արթիկի երիտասարդների տան (բաց երիտասարդական կենտրոնի) ստեղծման նպատակով կնքվող փոխըմբռնման հուշագրի շրջանակներում անհրաժեշտություն է առաջացել Հայաստանի Հանրապետության Շիրակի մարզի Արթիկ համայնքի «Արթիկի թիվ 2 մանկապարտեզ» համայնքային ոչ առեվտրային կազմակերպության մասնաշենքի առաջին հարկի  128,5 քառակուսի մետր մակերեսով տարածքը անհատույց տրամադրել Գյումրու «Երիտասարդական նախաձեռնությունների կենտրոն» հասարակական կազմակերպությանը:

Հաշվի առնելով այն հանգամանքը, որ նշվածք տարածքը անհատույց օգտագործման իրավունքով պատկանում է Հայաստանի Հանրապետության Շիրակի մարզի Արթիկ համայնքի «Արթիկի թիվ 2 մանկապարտեզ» համայնքային ոչ առևտրային կազմակերպությանը,  ուստի վերջինիս տնօրենը դիմել է  Հայաստանի Հանրապետության Շիրակի մարզի  Արթիկի համայնքապետարան խնդրելով տալ համաձայնություն  Հայաստանի Հանրապետության Շիրակի մարզի Արթիկ համայնքի «Արթիկի թիվ 2 մանկապարտեզ» համայնքային ոչ առևտրային կազմակերպության մասնաշենքի առաջին հարկի 128,5 քառակուսի մետր մակերեսով տարածքը անհատույց օգտագործման իրավունքով Գյումրու «Երիտասարդական նախաձեռնությունների կենտրոն» հասարակական կազմակերպությանը տրամադրելու  վերաբերյալ:

Ելնելով վերոգրյալից և ղեկավարվելով  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության  քաղաքացիական օրենսգրքի 693-րդ հոդվածի 2-րդ մասով, ինչպես նաև հիմք ընդունելով Հայաստանի Հանրապետության Շիրակի մարզի Արթիկ համայնքի «Արթիկի թիվ 2 մանկապարտեզ» համայնքային ոչ առևտրային կազմակերպության տնօրեն Էլիզա Ֆռանգյանի 2023թվականի հունիսի 20-ի թիվ 3960 դիմումը` Հայաստանի Հանրապետության Շիրակի մարզի Արթիկ համայնքի ավագանին

ՈՐՈՇՈՒՄ է

1.          Տալ  համաձայնություն Հայաստանի Հանրապետության Շիրակի մարզի Արթիկ համայնքի ղեկավարի առաջարկության` Հայաստանի Հանրապետության Շիրակի մարզի Արթիկ համայնքի «Արթիկի թիվ 2 մանկապարտեզ» համայնքային ոչ առեվտրային կազմակերպության մասնաշենքի առաջին հարկի  128,5 քառակուսի մետր մակերեսով տարածքը անհատույց օգտագործման իրավունքով Գյումրու «Երիտասարդական նախաձեռնությունների կենտրոն» հասարակական կազմակերպությանը մինչև 2030 դեկտեմբերի 31-ը:

2.         Տարածքը տրամադրել միայն Հայաստանի Հանրապետության Շիրակի մարզի Արթիկի երիտասարդների տան (բաց երիտասարդական կենտրոնի) ստեղծման նպատակով:

3.         Սույն որոշումն ուժի մեջ է մտնում օրենքով սահմանված կարգով իրազեկման օրվան հաջորդող օրվանից: